گلوکار سجاد علی نے بجلی کی لوڈ شیڈنگ پر مختصر گانا گایا تو سوشل میڈیا صارفین نے اسے لوڈ شیڈنگ کا ترانہ قرار دے دیا۔
پاکستان کے معروف گلوکار سجاد علی نے اپنے ٹوئٹر اکاؤنٹ پر ایک ویڈیو پوسٹ کی جس میں وہ عوام کے سب سے بڑے دکھڑے لوڈ شیڈنگ کی کہانی موسیقی کے ساتھ سنارہے ہیں۔
مختصر ویڈیو میں سجاد علی ’لائٹ آندی اے، لائٹ جاندی اے‘ گارہے ہیں اور ان کے ہمراہ دیگر گلوکار بھی شامل ہیں۔
LIGHT AANDI AE, LIGHT JAANDI AE 💡 pic.twitter.com/oKAOXSzCrC
— Sajjad Ali (@sajjad_official) October 14, 2022
اس گانے سوشل میڈیا پر لوگوں نے بہت پسند کیا کیونکہ گزشتہ کچھ عرصے عوام بجلی کی لوڈ شیڈنگ اور بھاری بھرکم بلوں سے بہت پریشان ہے ۔
اس ضمن میں حال ہی میں متعدد عوامی احتجاج بھی کئے گئے بلکہ نہ صرف عام عوام بلکہ پاکستانی فنکاروں نے بھی بجلی کے بل کے حوالے سے سوشل میڈیا پر شکایتی پوسٹیں کیں۔
