فیفا ورلڈکپ کا ساؤنڈ ٹریک ‘لائٹ دی اسکائے’ جاری کر دیا گیا-
قطر میں ہونے والے فیفا ورلڈکپ کیلئے زور و شور سے تیاریاں جاری ہیں اور دنیا بھر سے فیفا فینز عرب امارات کا رخ کر رہے ہیں ہر بار کی طرح اس بار بھی گانا تیار کیا گیا ہے اور اس کا ساؤنڈ ٹریک جاری کردیا گیا ہے اور اس گانے کو خاص 4 خواتین نے مل کر بنایا ہے۔
The latest single from the FIFA World Cup Qatar 2022™ Official Soundtrack has just been released! 🚨
'Light The Sky' features @BalqeesFathi, Nora Fatehi, Manal, @RahmaRiad and @RedOne_Official ✨
Watch the official music video ⤵️
— FIFA World Cup (@FIFAWorldCup) October 7, 2022
گانے کی ویڈیو میں مشہور ڈانسر نورا فتیحی کے ساتھ عراقی سپر اسٹار رحمہ ریاض، مراکش سے ایوارڈ یافتہ گلوکارہ اور نغمہ نگار منال اور عربی گلوکارہ بلقیس شامل ہیں، گانے کی فلم سازی اور میوزک ویڈیو میں خواتین ریفریز کی شمولیت کا جشن بھی منایا گیا ہے-
فیفا ورلڈ کپ 2022 کے ساؤنڈ ٹریک نے بھی میدان میں موجود خواتین کو خراج تحسین پیش کیا کیونکہ اس میں میگا ایونٹ کی خواتین ریفریوں کا ایک مختصر کلپ دکھایا گیا تھا۔
اس سے قبل بھی فیفا ورلڈکپ کیلئے مشہور گلوکاروں نے اپنی آواز کے جادو جگائے ہیں شکیرا نے 2010 کے ورلڈکپ کا گانا ‘وکا وکا’ گایا جس نے دنیا بھر میں شہرت حاصل کی۔
گلوکارہ جینیفر اور پٹ بل نے 2014 میں ‘We Are One (Ole Ola)’ گایا لیکن اس نے ‘وکا وکا’ جیسی مقبولیت حاصل نہیں کی اور نہ ہی 2018 کا گانا ‘Live it’ عوام میں اتنا مقبول ہوا۔
واضح رہے کہ فیفا ورلڈ کپ کا 22 واں ایڈیشن 20 نومبر کو شروع ہوگا جس میں میزبان قطر کا مقابلہ ایکواڈور سے ہوگا۔ میگا ایونٹ کا فائنل 18 دسمبر کو ہوگا۔
