عبداللّٰہ قریشی کے میوزک انڈسٹری چھوڑنے کے فیصلے پر گلوکارہ نتاشہ بیگ نے سخت رد عمل کا اظہار کیا ہے۔
گلوکارہ نتاشہ بیگ نے انسٹاگرام پر کئی اسٹوریز شیئر کرتے ہوئے کہا کہ میں نے کبھی ان گلوکاروں اور اداکاروں کو نہیں سراہا جنہوں نے شعور اور ہدایت کے نام پر اپنا کیرئر چھوڑ دیا کیونکہ یہ انڈسٹری سے جڑے ہوئے غلط تاثر کوصحیح ثابت کرتا ہے۔
انہوں نے مزید کہا کہ ٹھیک ہے آپ کو ہدایت مل گئی ہے بہت بہت مبارک ہو، آگے بڑھیں مگر اس سارے عمل میں ہمیں ایک ولن اور گناہ گار انسان ظاہر مت کریں۔
2/2 Your act might be something which Islam never appreciates but music is divine and it has nothing to do with any sinful act unless you are unable to control your nafs and nafs can become a problem in any profession.
— Natasha Baig (@imnatashabaig) October 6, 2022
نتاشہ بیگ نے کہا آپ کا عمل ایسا ہوسکتا ہے جسے اسلام پسند نہیں کرتا مگر موسیقی کی بات الگ ہے، یہ خدا کا تحفہ ہے، موسیقی کا گناہ سے کوئی لینا دینا نہیں ہے۔
انہوں نے کہا کہ ایک مسلمان موسیقار کی بھی محنت اتنی ہی اللہ سے جڑی ہیں جتنی ایک شدید مسلمان مذہبی بندے کی ۔
ان کا کہنا تھا کہ اپنا دماغ وسیع کریں کیونکہ جذبات میرے بھی اتنے ہی ہیں جتنے آپ کے ہیں میرا بھی خدا وہی ہے جو تیرا ہے ۔
گلوکارہ نے کہا کہ موسیقی اس حال میں حرام ہے جب وہ آپکو کوئی غلط چیز کی طرف راغب کرے جب اس میں بات گھٹیہ ہورہی ہو غیر مہذبانہ ، اس کا مطلب ہے وہ سب چیزیں حرام ہیں جو ہمیں ہمارے ہوش سے ہلا دے ۔
نتاشہ بیگ نے کہا کہ میرے پیارے بھائیوں اور بہنوں میری بات کو غور ست پڑھو جو عقل اللہ نے ہمیں عطا کی وہ کسی وجہ سے کی ہے ۔
یہ بھی کہا کہ آپ سب کے جذبات بلکل میرے جذبات جیسے ہیں بس نظریے کا فرق ہے اور نطریے کے فرق سے آپ بات سکون سے کر سکتے ہیں ، بحث کرسکتے ہیں تاکہ بات سمجھی جائے کسی کو کافر کہنا یہ سوائے اللہ کے کسی کا اختیار نہیں ہے۔
ان کا مزید کہنا تھا کہ برائے مہربانی گریز کریں ہم سب انسان ہیں اور ہم کبھی کبھار جذبات میں باتوں کو اپنے حساب سے جانچتے ہیں ۔
دوسری جانب حمزہ علی عباسی نے ٹوئٹر پر اپنے خیالات کا اظہار کرتے ہوئے سابق گلوکارعبداللّٰہ قریشی کے اس اقدام پر نیک خواہشات کا اظہار کرتے ہوئے دعائیں دیں اور انہیں آگاہ کیا کہ ’موسیقی اسلام میں مکمل طور پر حرام نہیں ہے‘۔
May God give u the strength & persistence in ur iman, ikhlaaq & deeds brother. Just want to share my discovery that Music is not completely haraam in Islam. If u have time, please watch this 1 program https://t.co/6CTgthWgKe OR this detailed 10 part series https://t.co/PhkHWmLSUc pic.twitter.com/15rtmBcBWE
— Hamza Ali Abbasi (@iamhamzaabbasi) October 6, 2022
حمزہ علی عباسی نے اپنے موقف کی تصدیق کے لیے دو یوٹیوب ویڈیوز کے لنک بھی شیئر کئے۔
