انگ کانگ کی سیاحت کے شعبے کو کرونا کی وجہ سے عائد پابندیوں کی وجہ سے کافی نقصان پہنچا ہے اور اب پابندیوں کے خاتمے کے بعد یہاں کی حکومت سیاحت کو بحال کرنے کی کوششیں کر رہی ہے۔
چونکہ ہانگ کانگ آنے والے سیاحوں کی تعداد میں بڑی کمی واقع ہوئی ہے اس لیے مختلف ایئرلائنز کوشاں ہیں کہ وہ ہانگ کانگ کے لیے اپنے آپریشنز یا فلائیٹس جاری رکھ پائیں۔
بی بی سی کی رپورٹ کے مطابق ہانگ کانگ کی حکومت کا کہنا ہے کہ وہ اپنے ملک میں سیاحت کے فروغ کے لیے دنیا بھر کے شہریوں میں پانچ لاکھ ایئرلائن ٹکٹس مفت بانٹے گی۔ ان ٹکٹوں کی مالیت 254.8 ملین ڈالر بتائی جا رہی ہے۔
ہانگ کانگ ٹورازم بورڈ کے ایگزیکیٹیو ڈائریکٹر ژین چینگ نے بتایا کہ ’ہانگ کانگ کی ایئرپورٹ اتھارٹی ایئرلائن کمپنیوں کے ساتھ اس حوالے سے انتظامات کو حتمی شکل دے گی۔ حکومت کی جانب سے فائنل اعلان کے بعد ہم مفت ہوائی ٹکٹوں کے لیے اشتہاری مہم شروع کریں گے۔
In Hong Kong, you don't need to go far from the city to find secluded soft-sand beaches, lush mountains and country parks. Find out more about ‘Hong Kong Great Outdoors’: https://t.co/FMUY9o4Wy7 pic.twitter.com/kRrj2JyPzM
— Hong Kong (@discoverhk) September 19, 2022
انھوں نے بتایا کہ درحقیقت یہ ٹکٹ ہانگ کانگ کی حکومت نے مختلف ایئرلائنز سے کرونا کی وبا کے دوران خریدے تھے اور اس کا مقصد ایئرلائنز کے نقصانات کو کرونا کی وجہ سے کم سے کم کرنا تھا تاکہ وہ ہانک کانگ کے لیے اپنے فلائٹ آپریشنز جاری رکھ سکیں۔
انھوں نے کہا اب یہی ٹکٹ لوگوں میں مفت بانٹ دیے جائیں گے۔
