گلگت بلتستان کی خواتین کے لیے مفت بس سروس کا آغاز ہوگیا جس کا افتتاح وزیر اعلیٰ گلگت بلتستان خالد خورشید نے کیا۔
چیف سیکرٹری محی الدین احمد وانی نے آج نیوز کو بتایا پنک بس سروس بالکل مفت ہے اور خواتین کو ٹرانسپورٹ کے اخراجات میں ماہانہ 10,000 روپے تک کی بچت ہوگی۔
خواتین کیلئے 44 نشستوں پر مشتمل بسیں گلگت اور اسکردو کے چار اہم روٹس پر صبح 6 بجے سے 9 بجے اور دوپہر 1 بجے سے 3 بجے تک کے اوقات میں چلیں گی۔
تین بسیں 4 اکتوبر منگل سے گلگت میں چلنا شروع ہوگئی ہیں اور دیگر بسیں اگلے ہفتے سے اسکردو کے راستے پر چلنا شروع ہوجائیں گی ۔
Pink buses for women have been inaugurated today by CM GB. First time in Pakistan’s history, free buses for women have been started. 3 buses each are made operational in Gilgit and Skardu city, with the government planning to expand it to further areas of the province. 1/n pic.twitter.com/c4G4EQ7YwV
— Office of the Chief Secretary, Gilgit Baltistan (@csgbpk) October 4, 2022
اس خصوصی سروس کے حوالے سے تعلیمی شعبے میں کام کرنے والی ایک خاتون کا کہنا تھا کہ یہ سروس ان اساتذہ کے لیے بہت سستی ہوگی جو عام طور پر کام پر جانے کے لیے ٹیکسی کا استعمال کرتے ہیں۔
ریجنل چیف سیکرٹری نے مزید بتایا کہ یہ اقدام خواتین کے لیے ایک محفوظ اور زیادہ قابل رسائی آپشن ہے اس سروس سے راستوں میں ٹریفک کا دباؤ بھی کم ہوگا، مجھے یقین ہے کہ یہ ایک پائیدار اقدام ثابت ہو گا۔
ضرورت کے مطابق ان علاقوں کے علاوہ اس سروس کو سال کے آخر تک ہنزہ اور نگر تک بڑھا دیا جائے گا۔
