بھارتی فضائیہ (آئی اے ایف) کے جیٹ طیاروں نے پیر کو ایک ایرانی مسافر طیارے کو بم کی اطلاع کے بعد فضا میں گھیر لیا، جو بعد میں غلط نکلی۔
بھارتی فضائیہ کی جانب سے جاری بیان میں کہا گیا کہ ”آئی اے ایف کے لڑاکا طیاروں نے محفوظ فاصلے پر رہتے ہوئے ہوائی جہاز کا پیچھا کیا۔ مسافر طیارے کو جے پور اور پھر چندی گڑھ میں اترنے کا آپشن دیا گیا۔ لیکن پائلٹ کسی بھی ہوائی اڈے کی طرف مُڑنا نہیں چاہتا تھا۔“
بیان میں مزید کہا گیا کہ ”بعد میں دھمکی کو نظر انداز کرنے کی ہدایات موصول ہوئیں۔ تہران سے بم کی اطلاع کو نظر انداز کرنے کی اطلاع موصول ہوئی، جس کے بعد طیارے نے اپنی منزل کی طرف سفر جاری رکھا۔“
A Mahan Air flight, Tehran -> Guangzhou, received a bomb threat when flying over India. According to @ANI "Delhi ATC suggested the aircraft to go to Jaipur but the aircraft pilot refused & left Indian airspace"
Currently about 2h away from Guangzhou https://t.co/mk6FioNbBe pic.twitter.com/D3nUinv1Mu
— Flightradar24 (@flightradar24) October 3, 2022
مذکورہ جہاز 320 سے 475 کے درمیان مسافروں کی گنجائش والا ایرانی کیریئر ایئربس A340 ”ماہان ایئر“ کی ملکیت ہے، جو ایرانی دارالحکومت تہران سے چین کے شہر گوانگژو جا رہا تھا۔
فلائٹ ٹریکر ویب سائٹس سے پتہ چلتا ہے کہ ہوائی جہاز نے اپنی آخری منزل کی طرف مشرق جانے سے پہلے بھارتی دارالحکومت نئی دہلی کے مغرب میں کئی فضائی چکر لگائے۔
