چاروں موبائل فونز میں چار کیسز کی انکوائری کا قابلِ اعتراض ڈیٹا موجود تھا۔
لاہور میں وفاقی تحقیقاتی ادارے (ایف آئی اے) سائبر کرائم سرکل کے اہلکار نے مبینہ طور پر دفتر سے چار موبائل فون چوری کر لئے۔
پولیس نے ایف آئی اے اہلکار اور اس کے بھائی کو حراست میں لے کر تفتیش شروع کر دی ہے۔
پولیس کے مطابق چاروں موبائل فونز خواتین آفیسرز کی دراز توڑ کر نکالے گئے تھے، جن میں چار کیسز کی انکوائری کا قابلِ اعتراض ڈیٹا موجود تھا۔
پولیس ذرائع کا کہنا ہے کہ چوری شدہ فونز اہلکار دانش قمر کا بھائی استعمال کر رہا تھا، ملوث اہلکار اور اس کے بھائی کو شاملِ تفتیش کرلیا گیا ہے۔
