اسلام آباد میں گزشتہ 24 گھنٹوں میں ڈینگی کے49 مریض سامنے آگئے
ملک میں سیلاب اوربارشوں کے بعد ڈینگی مچھرکی افزائش میں تیزی کے باعث کيسز میں اضافہ ہورہا ہے۔
اسلام آباد میں گزشتہ 24 گھنٹوں میں ڈینگی کے49 مریض سامنے آئے، جس کے بعد رواں سیزن میں کُل متاثرین کی تعداد 422 ہوگئی جبکہ پمزمیں 37 اورپولی کلینک میں 10زیرعلاج ہیں۔
دوسری جانب راولپنڈی میں کيسز کی تعداد 700 سے زائد ہوگئی ہے، جس پرڈاکٹرز کا کہنا ہے کہ ڈینگی مثبت کیسز کی شرح 25 فیصد ہے جو کہ تشویش ناک ہے۔
موسم کی تبدیلی کے وقت ڈینگی مچھرکی افزائش تیزی سے ہوتی ہے، جو بارش اورسیلاب زدہ علاقوں کو زیادہ متاثرکرسکتا ہے۔
آئے روز ڈينگى کیسز کى تعداد میں اضافہ پرطبى ماہرين نے تشويش کا اظہار کرتے ہوئے شہریوں کواحتياطى تدابيراپنانے کی ہدایت کی ہے۔
ڈاکٹرزکا کہنا ہے کہ صبح اور شام کے اوقات میں خود کو محفوظ رکھنے سمیت دیگر احتياطى تدابير اپنائیں۔
