تاحال ملزم کی گرفتاری عمل میں نہیں آئی ہے
بھارتی ریاست مہاراشٹرکے لاتورضلع میں رات کے کھانے میں بریانی نہ بنانے پراپنی بیوی کو چاقو مار کر زخمی کر دیا۔
بھارتی میڈیا کے مطابق ملزم وِکرم ونائک ڈیڈے نشے میں تھا جس کے خلاف31 اگست کو پیش آنے والے اس واقعے کا مقدمہ درج کرلیا ہے۔
پولیس کے مطابق ملزم نشے کی حالت میں گھر آیا اور رات کے کھانے میں بریانی نہ بنانے پر اپنی بیوی سے جھگڑا کرنے لگا۔
ملزم نے بیوی کو مارا پیٹا یہاں تک کہ گھر کے دیگر افراد نے بیچ بچاؤ کرنے کی کوشش کی لیکن اِس نے چاقو لے کربیوی پر وار کیا۔
حملے کے نتیجے میں شدید زخمی ہونے والی خاتون کوعلاج کے لیے سرکاری اسپتال منتقل کیا گیا۔
تاحال ملزم کی گرفتاری عمل میں نہیں آئی ہے۔
