بیجنگ: چین میں زلزلے سے 65 افراد ہلاک اور متعدد زخمی ہو گئے۔
غیر ملکی خبر رساں ایجنسی کے مطابق چین کے صوبے سیچوان میں 6.8 شدت کا زلزلہ ریکارڈ کیا گیا جس کی وجہ سے 65 افراد ہلاک اور کئی زخمی ہو گئے۔
امریکی جیولوجیکل سروے کے مطابق زلزلہ زیر زمین 10 کلومیٹر کی گہرائی میں تھا۔ زلزلے سے متعدد مکانات کو نقصان پہنچا اورلینڈ سلائیڈنگ کے واقعات بھی پیش آئے۔
زلزلے سے متاثرہ علاقوں میں انفرا اسٹرکچر کو نقصان پہنچا اور بجلی کی فراہمی بھی معطل ہو گئی۔ متاثرہ علاقوں میں امدادی کارروائیاں جاری ہیں۔ زلزلے کے بعد سے 16 افراد بھی لاپتہ ہیں۔
