حکام کے مطابق 2019 میں بھارت میں آسمانی بجلی گرنے سے تقریباً 29 سو افراد ہلاک ہوئے
بھارت کے مشرقی حصے میں مون سون طوفانوں کے دوران آسمانی بجلی گرنے سے کم از کم 23 افراد ہلاک ہو گئے۔
میڈیا رپورٹ کے مطابق بھارتی ریاست بہارمیں ہلاکتیں بدھ اور جمعہ کی درمیانی شب ہوئیں، جبکہ متاثرین میں زیادہ ترافراد پیشے کے اعتبارسے کسان اور مزدورہیں۔
آسمانی بجلی کے نتیجے میں ہونے والی اموات پر بہار کے وزیراعلیٰ نتیش کمار نے تعزیت کا اظہار کیا اور متاثرین کے اہل خانہ کو معاوضہ دینے کا وعدہ کیا۔
بہارکے ڈیزاسٹر مینجمنٹ اتھارٹی کے مطابق گزشتہ دو دنوں میں 13 افراد کی اموات کے علاوہ جمعہ کو ریاست کے کئی حصوں میں 11 افراد اپنی جان گنوا چکے ہیں۔
بھارت میں جون، ستمبر کے دوران مون سون کی بارشوں کے دوران آسمانی بجلی گرنا عام ہے، جبکہ نیشنل کرائم ریکارڈ بیورو کے مطابق 2019 میں بھارت میں آسمانی بجلی گرنے سے تقریباً 2,900 افراد ہلاک ہوئے۔
