سندھ کے صوبائی وزیر ناصر شاہ کا کہنا ہے اگر تحریک انصاف اپنا بہتر مستقبل چاہتی ہے تو ان کو پی ٹی آئی پرامن بنناہوگا۔
کراچی میں میڈیا سے گفتگو کرتے ہوئے انہوں نے کہا کہ کچھ عرصہ پہلے بھی اسلام آباد پر چڑھائی ہوئی تھی،بانی پی ٹی آئی این آر او چاہتے ہیں،ان کی رہائی عدالتوں سے ہی ہو سکتی ہے۔
پی ٹی آئی توڑ پھوڑ اور انتشار کی سیاست کرتی ہے،9مئی واقعے پرمعذرت کریں تو بات آگے بڑھ سکتی ہے،صدرآصف زرداری اور نوازشریف جیسے بڑے لیڈر بھی گرفتار ہوچکےہیں۔
تحریک انصاف کے احتجاج کے باعث عام شہریوں کے ساتھ تاجر بھی پریشان ہیں،سندھ میں تحریک انصاف انتخابات میں چوتھے نمبر پر آئی،2018کے انتخابات میں یہ لوگ لائے گئے تھے عوام نے ان کو ووٹ نہیں دیا۔
تحریک انصاف کے دور میں 23ضمنی الیکشن ہوئے،19میں ان کو شکست ہوئی،تحریک انصاف کا جھوٹا بیانیہ ناکام ہوچکاہے،امریکا کی مخالفت کرنے والوں کے جلسے میں امریکا کے جھنڈے لہرائے جارہےہیں۔
یہ لوگ پرامن نہیں 9مئی کا واقعہ سب کے سامنے ہے،کیا تحریک انصاف کی حکومت میں لوگوں کو گرفتار نہیں کیاگیا؟
