زیارت ہرنائی مین روڈ پر شر پسندوں نے کوئلے سے لدے ہوئے تین ٹرک نذرِ آتش کردیے۔
بلوچستان میں ہرنائی زیارت مین روڈ پر مانگی کے مقام پر نامعلوم مسلح افراد نے ایسے کئی ٹرکوں کو آگ لگادی جن پر کوئلہ لدا ہوا تھا۔ یہ ٹرک ہرنائی کے علاقے شاہرگ کھوسٹ سے کوئلہ لارہے تھے۔
مسلح افراد نے تین ٹرکوں کو آگ لگائی اور شدید فائرنگ کی۔ ڈپٹی کمشنر زیارت لیاقت علی کاکڑ کے مطابق ایس پی ہرنائی کے گاڑی پر بھی فائرنگ کی گئی، ایس ایس پی ہرنائی تو محفوظ رہے تاہم ان کا گن مین زخمی ہوگیا۔
پولیس نے علاقے میں کئی مقامات پر سرچ آپریشن کیا ہے تاکہ اس واقعے کے ذمہ داروں کو گرفتار کیا جاسکے۔ شر پسند ان علاقوں میں مال بردار گاڑیوں کو لوٹنے یا آگ لگانے کی کوشش کرتے رہتے ہیں۔ کئی مقامات پر مقابلے بھی ہوئے ہیں۔ یاد رہے کہ بلوچستان میں غیر مقامی مزدوروں پر حملے بھی ہو رہے ہیں جن میں متعدد افراد جاں بحق ہوئ
