شاہ رخ خان کی بیوی گوری خان نے بڑے راز سے پردہ اٹھا دیا
بالی ووڈ اداکار شاہ رخ خان کی اہلیہ گوری خان نے اپنے شوہر کے اصل نام کے حوالے سے بڑا انکشاف کیا ہے۔
بالی ووڈ کے مسلمان اداکار شاہ رخ خان کے ساتھ رشتہ ازدواج میں منسلک ہونے والی ہندو گوری خان نے ایک انٹرویو کے دوران کہا کہ ابتدا میں ان کے والدین ہچکچاہٹ کا شکار تھے کیونکہ ان کی بیٹی بین المذاہب شادی کرنے کی خواہش مند تھی۔
اسی ہچکچاہٹ کو دور کرنے کی جدوجہد کے بارے میں بات کرتے ہوئے گوری خان نے بتایا کہ ’ہم نے شاہ رخ خان کا نام ”ابھینو“ رکھا تاکہ میرے والدین انہیں ہندو لڑکے کے طور پر دیکھیں، لیکن یہ واقعی بچگانہ اور بے وقوفی تھی۔‘
انہوں نے یہ بھی بتایا کہ شادی کے وقت میرے خاندان میں کئی لوگوں کو یہ فکر تھی کہ کہیں شاہ رخ مجھ پر اسلام قبول کرنے کے لیے دباؤ نہ ڈال دیں۔
واضح رہے کہ جب گوری نے 1991 میں شادی کی تھی تو وہ محض 21 برس کی تھیں جبکہ شاہ رخ 26 سال کے تھے۔
اپنے مذہب تبدیل نہ کرنے کے فیصلے کے بارے میں بات کرتے ہوئے گوری نے ایک انٹرویو میں مزید یہ بھی کہا کہ ’میں شاہ رخ خان کے مذہب کا احترام کرتی ہوں، لیکن اس کا مطلب یہ نہیں کہ میں اپنا مذہب تبدیل کروں گی۔ میرا ماننا ہے کہ ہر شخص کو اپنے عقیدے پر عمل کرنا چاہیے، اور ایک دوسرے کا احترام ہونا چاہیے۔ اسی طرح دیوالی کے موقع پر میں پوجا کی قیادت کرتی ہوں، اور پورا خاندان میرے پیچھے چلتا ہے۔ عید کے موقع پر شاہ رخ قیادت کرتے ہیں اور ہم ان کی پیروی کرتے ہیں‘۔
گوری کا مزید کہنا تھا کہ شاہ رخ کبھی میرے مذہب کی بے حرمتی نہیں کریں گے۔ لیکن میری والدہ اب بھی اس صورت حال سے پریشان ہوتی ہیں، جب آریان انہیں کہتا ہے کہ ’میں مسلمان ہوں‘۔
