ڈپازٹ پروٹیکشن کارپوریشن نے گارنٹی کی رقم بڑھا کر دس لاکھ روپے تک کر دی۔
اعلامیہ کے مطابق گارنٹی کی رقم5 لاکھ روپے سے بڑھا کر یکم اکتوبر 2024 ء سے 10 لاکھ روپے کردی گئی ہے۔
ڈی پی سی نے اپنے رکن بینکوں کے تمام اہل ڈپازٹرز کےلیے رقم میں اضافہ کیاہے،رقم کےاضافے کافیصلہ کارپوریشن کے بورڈ آف ڈائریکٹرز نے کیا ۔
گارنٹی کی اس رقم سے تقریباً 96 فیصد اہل ڈپازٹرز کو مکمل تحفظ مل جائے گا ،ڈپازٹ پروٹیکشن اسکیم کا بنیادی مقصد ڈپازٹرز کے مفادات کا تحفظ ہے۔
ڈپازٹ پروٹیکشن کی سہولت تمام اہل ڈپازٹرز پر لاگو ہوتی ہے۔
