سیلاب کی تباہ کاریوں کا جائزہ لینے کیلئے امریکی ٹیم کل پاکستان پہنچے گی
آرمی چیف جنرل قمر جاوید باجوہ سے امریکی سینٹرل کمانڈر کے سربراہ جنرل مائیکل ایرک نے ٹیلی فون پررابطہ کیا ہے۔
امریکی سینٹرل کی جانب سے جاری بیان میں بتایا کہ جنرل مائیکل ایرک نے شدید بارشوں کے سبب پاکستان میں آنے والے سیلاب کی تباہ کاریوں اور اموات پرافسوس کا اظہار کیا ہے۔
امریکا کی جانب سے سیلاب سے ہونے والی تباہ کاریوں کا جائزہ لینے کے لیے ٹیم بھیجی جارہی ہے۔
ٹیم پاکستان میں سیلاب سےہونے والے نقصان کا تخمینہ لگائے گی، جس کے بعد جائزہ رپورٹ کی روشنی میں یوایس ایڈ کی جانب سے پاکستان کے لیے امداد فراہم کرنے سے متعلق امور طے کیے جائیں گے۔
