غریب ماں پھول بیچ کر گھر چلاتی ہے، ویڈیو وائرل، انٹرنیٹ پر تبصروں کی بھرمار
بھارت کی ایک غریب پھول فروش کے بیٹے نے آئی فون حاصل کرنے کے لیے دباؤ ڈالنے کی غرض سے تین دن تک کھانا پینا چھوڑ دیا۔ اس واقعے پر سوشل میڈیا صارفین نے شدید ردِعمل ظاہر کیا ہے۔ بہت سے لوگوں نے نوجوان پر لعن طعن کی ہے۔
سوشل میڈیا پر بہت سے لوگوں نے نوجوانوں پر شدید نکتہ چینی کی ہے۔ بہت سوں کی رائے یہ ہے کہ ملک کے حالات کی خرابی میں کلیدی کردار نوجوانوں کی غلط سوچ کا ہے۔ یہی مائنڈ سیٹ ملک میں غربت اور بے روزگاری کو فروغ دے رہا ہے۔
سوشل میڈیا کے ایک یوزر نے لکھا کہ اگر یہ پورا معاملہ ”پلانٹیڈ“ یا ”اسکرپٹیڈ“ نہیں ہے تو پھر انتہائی افسوس ناک ہے اور اِس سے اندازہ لگایا جاسکتا ہے کہ ہماری نئی کہاں پہنچ چکی ہے اور اب کہاں جانا چاہتی ہے۔
اس حوالے سے وائرل ہونے والی ویڈیو کے حوالے سے تبصروں کا بازار گرم ہے۔ یہ پوری ویڈیو ایک ڈرامے کی سی شکل میں ہے۔
ماں غریب ہے، مندر کے باہر پھول بیچ کر گھر چلاتی ہے۔ بیٹے کو وہ دکان پر لے جاتی ہے اور موبائل کی دکان کے مالک کو بتاتی ہے کہ بیٹے نے تین دن سے کچھ نہیں کھایا۔
پھر ماں مجبور ہوکر بیٹے کو آئی فون دلواتی ہے مگر ساتھ ہی ساتھ یہ بھی کہتی ہے کہ اب خود کچھ کماکر دکھا اور جو رقم میں نے آئی فون کی خریداری پر خرچ کی ہے وہ مجھے واپس دے۔
