چینی وفد میں اعلیٰ سطح کی قیادت کے عہدیدار بھی شامل
چینی وفد نے گوادر اور حب میں پاکستان کا یوم آزادی منایا، چینی وفد میں اعلیٰ سطح کی قیادت کے عہدیدار بھی شامل ہیں۔
اس موقع پر چینی وفد نے کہا کہ کسی بھی قوم کے لئے آزادی کا دن سب سے زیادہ اہم ہوتا ہے، چینی وفد نے پاکستان کی سالمیت کے لئے نیک تمناؤں کا اظہار بھی کیا۔
واضح رہے کہ بدھ کو ملک بھر میں جشن آزادی انتہائی جوش و خروش اور قومی جذبے کے ساتھ منایا گیا۔ ملک بھر میں ملی نغموں اور سبزہلالی پرچموں کی بہار آگئی۔
دن کا آغاز نماز فجر میں ملکی ترقی اور یکجہتی کی خصوصی دعاؤں سے ہوا۔ وفاقی دارالحکومت اسلام آباد میں 31 توپوں کی سلامی دی گئی جبکہ صوبائی دارالحکومتوں میں 21۔21 توپوں کی سلامی دی گئی۔
کراچی میں مزار قائد اور لاہور میں شاعر مشرق علامہ اقبال کے مزار پر گارڈز کی تبدیلی کی پروقار تقاریب منعقد کی گئیں۔
