چند مقامات پر علامتی طور پر ماہ رنگ بلوچ کے حامی ابھی بھی بیٹھے ہوئے ہیں
بلوچستان میں احتجاج کے بعد گوادر میں زندگی معمول پر آنا شروع ہو گئی، گوادر کے باشعور عوام کے تعاون، سیکیورٹی فورسز کی کاؤشوں اور حکومتی اقدامات سے شہر کی صورتحال بہتری کی جانب گامزن ہے۔
شہر کے تجارتی مراکز کھلے اور کاروبار ی سرگرمیاں بحال رہیں ، شہر میں دکانیں، بینک اور پٹرول پمپ کھل گئے ہیں، تمام شاہراہوں پر ٹریفک بحال ہوچکی ہے اور کاروبار زندگی رواں دواں ہے جبکہ مقامی مچھیروں کے مطابق روزگار بھی بحال ہوچکا ہے۔
شہریوں کا کہنا ہے کہ ہم اب اپنی دوکانیں اور مارکیٹیں کھول سکتے ہیں کیونکہ حالات پر قابو پا لیا گیا ہے، گوادر کے ساتھ ساتھ تربت ، نوشکی اور پنجگور میں بھی معمولات زندگی بحال ہوگئے ہیں اور تمام شاہراہوں پر ٹریفک بحال ہوچکی ہے۔
چند مقامات پر علامتی طور پر ماہ رنگ بلوچ کے حامی ابھی بیٹھے ہوئے ہیں- جن سے معاملات زندگی پر کوئی اثر نہیں پڑ رہا، بلوچستان کی غیور عوام نے ترقی مخالف عناصر اور شرپسندوں کا بیانیہ مسترد کر دیا ہے۔
