پاکستان تحریک انصاف اور جمیعت علما اسلام کی مذاکراتی کمیٹیوں کے درمیان ملاقات طے پاگئی۔
پاکستان تحریک انصاف (پی ٹی آئی) اور جمیعت علما اسلام (جے یو آئی)کے درمیان اتحاد کے حوالے سے اہم پیشرفت سامنے آئی ہے ۔ ذرائع نے بتایا کہ پی ٹی آئی اور جے یوآئی کی مذاکراتی کمیٹیوں کی ملاقات طے پا چکی ہے، دونوں پارٹی کی مذاکراتی کمیٹیوں کا پہلا اجلاس منگل کو ہوگا اور دونوں کمیٹیوں کے درمیان ملاقات میں مولانافضل الرحمان بھی شریک ہوں گے۔
پی ٹی آئی اورجے یوآئی نے5،5رکنی کمیٹیاں تشکیل دی ہوئی ہیں، جے یوآئی سربراہ مولانافضل الرحمان اتوارکوعمرہ ادائیگی کے بعدوطن واپس آئیں گے۔
خیال رہے کہ رہنما جے یو آئی حافظ حمداللہ کا کہنا تھا کہ جے یوآئی اوردیگراپوزیشن جماعتوں کا موقف ایک ہی ہے تاہم اتحاد ہوگا یا نہیں ہوگایہ فیصلہ ابھی ہونا باقی ہے ۔
ان کا بانی پی ٹی آئی کے حوالے سے کہنا تھا کہ سابق چیئرمین تحریک انصاف کے ساتھ بے انصافی نہیں ہونی چاہیے، ان کے حوالے سے عدالت جو بھی فیصلہ کرے گی اعتراض نہیں ہوگا۔
