امریکی صدر جوبائیڈن کے انتخابی مہم سے دستبردار ہونے سے متعلق درست پیش گوئی کرنیوالی معروف نجومی ایمی ٹرپ نے امریکا کے اگلے صدر کا نام بتادیا۔
امریکی میڈیا کے مطابق 40 سالہ نجومی ایمی ٹرپ دعوی کیا ہے کہ امریکا کے اگلے صدر ڈونلڈ ٹرمپ ہوسکتے ہیں، ٹرمپ اپنی پیشہ ورانہ کامیابی کے عروج پر ہیں، انہیں آنے والے دنوں میں مزید غیر معمولی چیزوں کا سامنا کرنا پڑ سکتا ہے،آئندہ صدر وہی ہوں گے۔
ایمی ٹرپ نے پیشن گوئی تھی کہ 2024میں ڈونلڈ ٹرمپ کا مقابلہ جوبائیڈن سے نہیں بلکہ کملا ہیرس سے ہوگا۔ پیشن گوئی کے بعد کسی کو یقین نہیں آیا تھا کیوں کہ جوبائیڈن اپنی مہم خوب زور و شور سے چلا رہے تھے اور ڈیموکریٹس بھی جوبائیڈن کو امیدوار دیکھنا چاہتے تھے۔
اس پیشن گوئی پر ایمی ٹرپ کا بہت مذاق اڑایا گیا تھا لیکن ناقدین اس وقت حیران رہ گئے جبکہ بائیڈن کو بھولنے کی بیماری لاحق ہو گئے اور وہ ٹرمپ سے مباحثہ میں بھی ہار گئے تھے ۔
اس کے بعد دباو بڑھا اور جوبائیڈن کو صدارتی الیکشن سے دستبردار ہونا پڑا۔ انہوں نے اپنی جگہ کملا ہیرس کو بطور امیدوار نامزد کیا، جب کملا ہیرس امیدوار بنیں تو سب کو ادراک ہوا کہ نجومی ایمی ٹرپ کی پیش گوئی درست تھی۔
اب 40 سالہ نجومی ایمی ٹرپ نے پییش گوئی کی ہے کہ ستاروں کے مطابق ڈونلڈ ٹرمپ امریکا کے اگلے صدر ہونگےتاہم انہیں آئندہ آنے والے دنوں میں غیر متوقع چیزوں کا سامنا کرنا پڑسکتا ہے۔
