ٹیسلا کے بانی ایلون مسک کی ٹرانسجینڈر بیٹی نے اپنے والد پر سنگین الزامات عائد کر دیے۔
غیر ملکی میڈیا رپورٹ کے مطابق ایلون مسک کی 20 سالہ ٹرانسجینڈر بیٹی ویوین جینا نے کہا ہے کہ والد نے میرے ساتھ ظالمانہ رویہ اختیار کیا ہوا تھا۔
ایک انٹرویو میں اُن کا کہنا تھا کہ والد بچپن میں ان کے نسوانی رویے کے سبب ہراساں کرتے تھے اور مردانہ رویہ اختیار کرنے کیلئے زور دیتے تھے۔
ویوین جینا ولسن نے بتایا کہ ایلون مسک نے اپنے اکثر بیانات میں مجھے جھوٹا ثابت کرنے کی کوشش کی، میں جس کا جواب دینے کا پورا حق رکھتی ہوں اور انہیں لگتا تھا کہ میں ان سب معاملے پر خاموشی اختیار کروں گی مگر ایسا نہیں ہے۔ میں خاموش نہیں رہوں گی۔
ایک انٹرویو میں ایلون مسک نے کہا تھا کہ ان کی بیٹی لڑکی نہیں ہے اور ’ووک مائنڈ وائرس‘ نے ان کے بیٹے کو ماردیا ہے، اور انہیں ٹرانسجینڈر کے علاج کے بارے میں دھوکے میں رکھا گیا تھا۔
ویوین کے مطابق ایلون مسک نے ان کے علاج کی منظوری جان بوجھ کر دی تھی اور انہیں کسی نے دھوکہ نہیں دیا۔
