ایمل ولی خان نے آئی ایم ایف کو خط لکھنے پر مستعفیٰ ہونے کا الٹی میٹم دے دیا۔
عوامی نیشنل پارٹی نے صوبائی وزیر خزانہ تیمور سلیم جھگڑا سے تین دن میں مستعفیٰ ہونے کا مطالبہ کردیا۔
اس حوالے سے عوامی نیشنل پارٹی کے صوبائی صدرایمل ولی خان کا کہنا ہے کہ کے پی کے وزیر خزانہ تیمورسلیم جھگڑا کا پاکستان کے لئے قرضے کی قسط ناکام کرنے کے بارے میں آئی ایم ایف کو خط لکھنے پر تیمور سلیم جھگڑا سے تین دن کے اندر مستعفٰی ہونے الٹی میٹم دیدیا ہے۔
اے این پی کے صوبائی صدر کا کہنا تھا کہ صوبائی وزیر خزانہ مستعفٰی نہ ہوئے تو خیبر پختونخوا اسمبلی کے باہر پڑاو ڈالیں گے۔
دوسری جانب اے این پی نے پارٹی کارکنوں اور ذمہ داروں کو احتجاج کے لئے تیار رہنے کی ہدایت بھی کردی ہے۔
