اسلام آباد پولیس میں بھرتی کروانے کے بہانے پیسے بٹورنے والے سابقہ پولیس افسر کو گرفتار کرلیا گیا۔
اسلام آباد کیپٹل پولیس کے مطابق ملزم محمد ادریس نے شہری سے پولیس میں بھرتی کروانے کے لیے رقم لی۔ ملزم محکمہ پولیس سے بطور اے ایس آئی ریٹائرڈ ہوچکا ہے۔
اس حوالے سے پولیس نے بتایا کہ ملزم کے خلاف تھانہ رمنا پولیس نے مقدمہ درج کرکے تفتیش شروع کردی ہے۔
پولیس کا کہنا ہے کہ عوام سے گزارش ہے کہ بھرتی کے سلسلے میں کسی کو پیسے کی آفر نہ کریں، اسلام آباد پولیس میں تمام بھرتیاں میرٹ پر کی جاتی ہیں۔
