پیانگ یانگ: شمالی کوریا نے دعویٰ کیا ہے کہ اس نے ملٹی پل وار ہیڈ میزائل کا کامیاب تجربہ کر لیا۔
غیر ملکی خبر رساں ایجنسی کے مطابق شمالی کوریا نے گزشتہ روز اپنے متعدد وار ہیڈ میزائل کی صلاحیت کا کامیاب تجربہ کیا۔ جس میں موبائل سے وار ہیڈز کی علیحدگی اور گائیڈنس کنٹرول ٹیسٹ کا کامیابی سے انعقاد کیا گیا۔
شمالی کوریا کی سرکاری خبرایجنسی کے مطابق تجربے کے دوران میزائل سے علیحدہ ہونے والے نقلی موبائل وار ہیڈز تین متعین اہداف تک پہنچنے میں کامیاب رہے۔ تجربے کا مقصد ایم آئی آر وی کی صلاحیت کو محفوظ بنانا ہے۔
حکام کے مطابق یہ تجربہ 170-200 کلومیٹر کے دائرے میں درمیانے فاصلے تک مار کرنے والے ٹھوس ایندھن والے بیلسٹک میزائل کے پہلے مرحلے کے انجن کا استعمال کرتے ہوئے کیا گیا۔
