وفاقی دارالحکومت اسلام آباد کی مویشی منڈی میں بیوپاری سے تلخ کلامی پر شہری نے فائرنگ کردی۔ پولیس کے مطابق گولی لگنے سے 2 بیوپاری شدید زخمی ہوگئے، جبکہ ایک بیوپاری زخموں کی تاب نہ لاتےہوئے دم توڑ گیا۔
واقعہ تھانہ نلور کےعلاقہ میں لگائی گئی مویشی منڈی میں پیش آیا۔ پولیس کے مطابق جانوروں کے بیوپاری سے تلخ کلامی پر گاہک نے فائرنگ کی۔
اس حوالے سے پولیس نے مزید بتایا کہ فائرنگ سے شعیب اور ایک نامعلوم بیوپاری زخمی ہوا، جس کے بعد زخمیوں کو اسپتال منتقل کیا گیا، جہاں ایک زخمی دم توڑ گیا۔
