پیمرا اشتہاریوں کی تقاریر نشر نہ کرنے کے حوالے سے اپنے احکامات اور فیصلوں کو برقرار رکھے
لاہور ہائیکورٹ میں سابق وزیراعظم نواز شریف اور اسحاق ڈار کی لائیو تقریر نشر کرنے کے خلاف درخواست دائر کر دی گئی۔
عدالت میں درخواست شہری منیر احمد کی جانب سے ایڈوکیٹ اظہر صدیق نے دائر کی جس میں وفاقی حکومت، پاکستان میڈیا ریگولیٹری اتھارٹی (پیمرا) سمیت دیگر کو فریق بنایا گیا ہے۔
درخواست میں موقف اختیار کیا گیا ہے کہ پیمرا نے اشتہاریوں اور مفرور ملزمان کی کوریج اور تقاریر نشر کرنے پر پابندی عائد کر رکھی ہے لیکن نواز شریف کی تقریر تمام ٹی وی چینلز پر براہ راست دیکھائی گئی۔
درخواست میں مطالبہ کیا کہ پیمرا اشتہاریوں کی تقاریر نشر نہ کرنے کے حوالے سے اپنے احکامات اور فیصلوں کو برقرار رکھے۔
دائر درخواست کے متن کے مطابق پیمرا اپنے جاری کیے گئے احکامات کی خلاف ورزی کر رہا یے، لہٰذاعدالت اشتہاریوں اور مفرور ملزمان کی کوریج اور تقاریر پر پابندی کے احکامات پر عملدرآمد کروانے کا حکم دے-
