سعودی عرب کے جنرل ڈائریکٹوریٹ آف پبلک سکیورٹی نے واضح کیا ہے کہ وزٹ ویزا پر سعودی عرب آنے والے سیاحوں کومناسک حج میں شرکت کی اجازت نہیں دی گئی ہے ۔
سعودی پریس ایجنسی کے مطابق ڈائریکٹوریٹ حج نے بتایا کہ 20 ہزار سے زائد وزٹ ویزا ہولڈرز مکہ مکرمہ میں رہ کر حج قوانین کی خلاف ورزی کر چکے ہیں۔
وزٹ ویزہ کے حامل افراد کو مشورہ ہے کہ وہ 15ذیقعدہ سے 15 ذی الحجہ کے درمیان مناسک حج کی ادائیگی کے دوران حرم میں جانے سے گریز کریں۔
ضوابط کی خلاف ورزی کرنے والوں کو مملکت کے قوانین اور احکامات کے مطابق سزائوں کا سامنا کرنا پڑے گا۔
سعودی ڈائریکٹوریٹ حج نے مزید کہا کہ ان اقدامات کا مقصد حج ویزے پر آنے والے عازمین حج کی حفاظت کو یقینی بنانا ہے تاکہ وہ محفوظ اور پرامن ماحول میں اپنے مناسک ادا کرسکیں۔
