وزیراعظم شہبازشریف نے پیٹرولیم مصنوعات کی قیمتوں میں بڑی کمی کی منظوری دے دی۔
اس ضمن میں جاری نوٹی فیکشن کے مطابق پٹرول کی قیمت میں 15 روپے 39 پیسے جب کہ ڈیزل کی قیمت میں 7.88 روپے سے زائد کمی کردی گئی۔
مٹی کے تیل کی قیمت میں 9 روپے 86 پیسے جب کہ لائٹ ڈیزل آئل کی قیمت میں 7 روپے 54 پیسے فی لیٹر کمی کر دی گئی۔
نوٹی فیکشن کے مطابق پیٹرول کی نئی قیمت 288 روپے 49 پیسے سے کم ہوکر 273 روپے 10 پیسےمقرر کی گئی ہے۔
جب کہ ڈیزل کی قیمت 281 روپے 96 پیسے سے کم ہو کر 274 روپے 8 پیسے مقرر کی گئی ہے۔
نئی قیمتوں کا اطلاق آج رات 12 بجے کے بعد ہو گا۔
