عالمی مارکیٹ میں قمتیں بڑھنے کے باعث پاکستان میں سونے کی فی تولہ قیمت نئی بلندیوں کی جانب گامزن ہے۔
جیولرز کے مطابق مقامی مارکیٹ میں فی تولہ سونے کی قیمت میں 1500 روپے کا اضافہ ہوگیا، جس سے فی تولہ سونے کی قیمت 2 لاکھ 25 ہزار 400 روپے ہوگئی۔
گزشتہ روز سونے کی فی تولہ قیمت میں 2700 روپے اضافہ ریکارڈ کیا گیا تھا۔
دوسری جانب ملک بھر میں 10 گرام سونے کی قیمت میں 1286 روپے کا اضافہ دیکھا گیا۔ دس گرام سونےکے بھاؤ بڑھکر ایک لاکھ 93 ہزار 244 روپے ہوگئی۔
جیولرز کے مطابق سونے کے برعکس چاندی کی قیمت2600 روپے فی تولہ پر مستحکم ہے، جبکہ عالمی مارکیٹ میں فی اونس سونا 13 ڈالر کے اضافے سے 2148 ڈالر کا ہوگیا۔
