پاکستان پیپلز پارٹی پارلیمنٹرینز کے صدر آصف علی زرداری سے اے این پی خیبرپختونخوا کے صدر ایمل ولی خان کی قیادت میں وفد نے ملاقات کی ہے۔
اسلام آباد میں ہونے والی ملاقات میں سابق صدر آصف علی زرداری اور اے این پی خیبرپختونخوا کے صدر ایمل ولی خان کے درمیان موجودہ سیاسی صورتحال پر گفتگو کی گئی۔
اے این پی کی جانب سے نو فروری کو ہونے والے صدارتی انتخاب میں آصف علی زرداری کی حمایت کا اعلان کیا گیا۔
سابق صدر آصف علی زرداری نے صدارتی انتخاب میں حمایت پر اے این پی کی قیادت کا شکریہ ادا کیا۔
یاد رہے کہ الیکشن کمیشن کی جانب سے صدارتی انتخاب کا شیڈول جاری کیے جانے کے بعد انتخابی عمل کاآغاز ہوگیا ہے۔
9 مارچ کو شیڈول صدارتی الیکشن کیلئے آصف علی زرداری اور محمود خان اچکزئی نے کاغذات نامزدگی جمع کروا دیے ہیں۔
