بھارتی ریلوے کی 50 ڈبوں پر مشتمل ایک مال گاڑی ڈرائیور کے بغیر 70 کلومیٹر تک چلتی رہی، جسے پٹڑی پر رکاوٹیں رکھ کر روکنا پڑا ریلوے نے بتایا ہے کہ بجری لے جانے والی ٹرین کو پیش آنے والے اس واقعہ کی تحقیقات کا حکم دے دیا گیا ہے. رپورٹ میں بتایا گیا ہے کہ مال گاڑی کو روکنے کے لیے پٹڑی پر لکڑی کے بلاکس رکھے گئے تھے یہ واقعہ مقبوضہ کشمیر میں اس وقت پیش آیا جب عملے کی تبدیلی کے لیے مال گاڑی جموں کے ریلوے اسٹیشن پر کھڑی ہوئی تھی.
ناردرن ریلوے کے ترجمان دیپک کمار نے مقامی ذرائع ابلاغ کو بتایا کہ اس واقعہ میں کوئی زخمی نہیں ہوا اور حکام نے تحقیقات کا حکم دے دیا ہے ٹرین کو جب روکا گیا تو اس وقت وہ 100 کلومیٹر فی گھنٹہ کی رفتار سے چل رہی تھی بے قابو ٹرین کی ایک ویڈیو سوشل میڈیا پر وائرل ہے. رپورٹ میں بتایا گیا ہے کہ مال گاڑی جموں کے ریلوے اسٹیشن پر عملے کی تبدیلی کے لیے رکنے کے بعد ڈرائیور اور اس کا اسسٹنٹ انجن سے اتر گئے لیکن متبادل عملے کے انجن میں سوار ہونے سے پہلے ہی ڈھلوان کی وجہ سے گاڑی نے چلنا شروع کر دیا اور اس کی رفتار بڑھنے لگی گاڑی رخ پنجاب کی طرف تھا.
اس واقعہ کی اطلاع ملتے ہی کسی ممکنہ حادثے سے بچانے کے لیے راستے میں پڑنے والے تمام ریلوے کراسنگ بند کر دیے گئے لوگوں کا کہنا ہے کہ یہ واقعہ ریلوے کے اس نیٹ ورک کے لیے لمحہ فکر ہے جس کے ذریعے روانہ لاکھوں لوگ سفر کرتے ہیں. بھارت نے حالیہ برسوں میں اپنے ریلوے کے نظام کو جدید خطوط پر ڈھالنے کے لیے کثیر سرمایہ کاری کی ہے جس کے تحت کئی ریلوے اسٹیشنوں کو ماڈرن بنایا گیا ہے اور سگنل کے نظام کو الیکٹرانک سسٹم میں بدل دیا گیا ہے.
