عوامی نیشنل پارٹی (اے این پی) نے پاکستان تحریک انصاف کے احتجاج میں شامل ہونے سے معذرت کرلی۔
پی ٹی آئی رہنما اسد قیصر نے عوامی نیشنل پارٹی (اے این پی) کے رہنما میاں افتخار حسین سے رابطہ کیا۔ اسد قیصر نے اے این پی کو انتخابات میں مبینہ دھاندلی کے خلاف احتجاج میں شامل ہونے کی دعوت دی ہے۔
میاں افتخار کا کہنا ہے کہ عوامی نیشنل پارٹی نے کسی بھی پلیٹ فارم پر پی ٹی آئی سے تعاون پر معذرت کی ہے۔
انکا مزید کہنا تھا کہ خیبر پختو نخوا میں دھاندلی کے ذریعے پی ٹی آئی کو حکومت دی گئی ہے، اے این پی کا موقف ہے کہ یہاں پی ٹی آئی کو سپورٹ کیا گیا اور ہمیں ہرایا گیا۔
یادرہے کہ بانی پی ٹی آئی نے اسد قصر کو سیاسی جماعتوں سے مذاکرات کانا سک دیا ہے۔ اڈیالہ جیل میں بانی پی ٹی آئی سے ملاقات کے بعد اسد قیصر کا کہنا تھا کہ جے یو آئی ، اے این پی، جماعت اسلامی اور قوم پرست جماعتیں سب سے بات کریں گے، اسمبلی میں بیٹھیں گے، قانونی جنگ بھی لڑیں گے۔
