امریکی ڈالر کے مقابلے میں پاکستانی روپے کی قدر مستحکم ہونے کے بعد موٹر سائیکلوں کی قیمتوں میں بھی کمی کے امکانات ہیں۔
تفصیلات کے مطابق موجودہ صورتحال میں ڈالر کی قیمت سے منسلک تقریبا ہر شئے کی قیمت کم ہوئی ہےاس تناظر میں عوام کو موٹر سائیکل کی قیمتوں میں بھی کمی کی توقع ہے۔
مختلف کمپنیوں کے عہدیداروں نے کہا ہے کہ موٹر سائیکلوں کی قیمتوں میں کمی کے حوالے سے کافی خبریں گردش کر رہی ہیں لیکن وہ سب بے بنیاد ہیں۔
موٹر سائیکلوں کی قیمتیں پہلے ہی فی ڈالر 250 یا 255 روپے کے وقت طے ہوئی تھیں لہٰذا اب کمی ممکن نہیں۔
نئی حکومت آنے پر شاید موٹر سائیکلیں سستی ہوجائیں، فی الحال 2 سے 3 ماہ تک قیمتیں کم ہوں گی اور نہ ہی بڑھیں گی۔
