کراچی امریکی ڈالرز کے بعد پاکستان سے انڈین کرنسی کی اسمگلنگ کا معاملہ سامنے آگیاذرائع کے مطابق کسٹمز نے کراچی ایرپورٹ پر کارروائی کرتے ہوئے کراچی سے نیپال کے لیے بک کئے گئے پوسٹل پارسل سے 3 لاکھ پانچ سو روپے بھارتی کرنسی برآمد کر لی۔ کسٹمز کراچی ایرپورٹ کے ذرائع کے مطابق ایک پارسل غیرملکی کوریئر کمپنی کے ذریعے نیپال کے لیے بک کیا گیا تھا۔
بک کرانے والے شخص محمد ساجد نے کوریئر کمپنی کو بتایا کہ پارسل میں کتابیں ہیں۔ ایر پورٹ پر پارسل کی روانگی سے قبل کسٹمز اہلکاروں نے پارسک چیک کیا تو اس میں سے تین خالی رجسٹر نکلے ۔ ان رجسٹرز کو درمیان سے کاٹ کر اس میں بھارتی کرنسی چھپائی گئی تھی، پانچ پانچ سو کے کرنسی نوٹ پر مشتمل کل تین لاکھ پانچ سو روپے انڈین کرنسی برآمد ہوئی۔کسٹمز حکام نے انڈین کرنسی ضبط کرکے اور مقدمہ درج کر کے تحقیقات شروع کر دی ہیں ، کسٹم حکام کا کہنا ہے کہ کرنسی اسمگلنگ کیلئے اس طرح کا طریقہ پہلی بار سامنے آیا ہے ۔پارسل بک کرانے والے شخص کی گرفتاری کیلئے کوششیں جاری ہیں۔
