ہالی ووڈ کے اسکرین رائٹرز کا موشن پکچرز اور ٹی وی پروڈیوسرز کے درمیان معاہدہ طے پا گیا ہے جس کے بعد رائٹرز گلڈ آف امریکہ نے لگ بھگ پانچ ماہ سے جاری ہڑتال ختم کرنے کا اعلان کیا ہے۔
تقریباً پانچ ماہ سے جاری SAG-AFTRA ہالی ووڈ کی ہڑتال بالآخر ختم ہو گئی۔ اسکرین رائٹرز نے جشن منایا جب ان کی یونین نے اسٹوڈیو کے ایگزیکٹوز کے ساتھ ایک معاہدہ کیا جس کے بعد اب ہڑتال ختم کردی گئی ہے۔
رائٹرز گلڈ آف امریکہ کی مشرقی اور مغربی شاخوں کے گورننگ بورڈز اور ان کی مشترکہ مذاکراتی کمیٹی سب نے اس معاہدے کو قبول کرنے کے حق میں ووٹ دیا، اور بعد میں اعلان کیا کہ ہڑتال ختم ہو جائے گی اور مصنفین بدھ کی صبح 12:01 بجے سے کام کرنے کے لیے آزاد ہوں گے۔
The WGA reached a tentative agreement with the AMPTP. Today, our Negotiating Committee, WGAW Board, and WGAE Council all voted unanimously to recommend the agreement. The strike ends at 12:01 am. Check out our deal at https://t.co/c0ULMXhPL7. #WGAStrong pic.twitter.com/7z8kw9xI1p
— Writers Guild of America West (@WGAWest) September 27, 2023
دونوں پارٹیوں کے درمیان طے پانے والے معاملات کے تحت اسٹوڈیوز اور رائٹرز گلڈ کے منتخب ممبران سال میں دو بار آرٹیفیشل انٹیلی جینس کو فلم میں استعمال کرنے کے حوالے سے ملاقات بھی کریں گے۔
رائٹرز گلڈ نے ممبران کو ایک ای میل میں بتایا کہ مصنفین کو ابھی بھی معاہدے کی توثیق کے لیے ووٹ دینا ہے، لیکن ہڑتال ختم کرنے سے وہ اس عمل کے دوران کام کر سکیں گے۔
رائٹرز گلڈ کی کمیٹی کے ممبر ایڈم کونوویر نے ایکس پر پوسٹ کرتے ہوئے بتایا کہ انہیں کن معاملات میں کامیابی حاصل ہوئی ہے۔
The details of the new Writers Guild contract are out. We won:
• Success-based residuals
• Strong limitations on A.I.
• Minimum writers room staffing
• Guaranteed compensation and 13-week minimums for Comedy/Variety writers in streaming
(cont)https://t.co/rI1pKWFh4u— Adam Conover (@adamconover) September 27, 2023
ان کا کہنا تھا کہ کسی بھی پراجیکٹ کی کامیابی کی صورت میں رائٹرز کو بونس ملے گا، اے آئی کے استعمال کو کم کیا جائے گا اور سب سے اہم یہ کہ ایک ٹی وی شو کے لیے کم سے کم اسٹاف کی تعداد بڑھائی جائے گی جس کا فیصلہ اس ٹی وی شو کی اقساط کی تعدادکو دیکھ کر کیا جائے گا۔
یاد رہے رواں برس سال مئی سے امریکی فلم اور ٹیلی ویژن کے اسکرین رائٹرز کی یونین نے کارکنوں کے معاوضوں میں اضافے اور پروڈکشن کمپنیوں کی جانب سے مصنوعی ذہانت کے استعمال سے درپیش مسائل کے باعث اپنا کام بند کر دیا تھا جس کی وجہ سے بڑے بجٹ سے بننے والی فلمیں اور ٹی وی شوز متاثر ہوئے تھے۔
