لاہور بین الاقوامی شہرت یافتہ پاکستانی گلوکار علی سیٹھی نے شادی کی تردید کر دی۔گذشتہ کئی روز سے سوشل میڈیا پر افواہ پھیلی ہوئی تھی کہ معروف صحافی نجم سیٹھی کے صاحبزادے علی سیٹھی نے اپنے 40 سالہ دوست سے نیویارک میں شادی کر لی۔علی سیٹھی کا نام کئی دن سے سماجی رابطے کی ویب سائٹ ٹویٹر پر ٹرینڈ کر رہا ہے۔
سوشل میڈیا صارفین کی جانب سے علی سیٹھی پر تنقید کا سلسلہ اب بھی جاری ہے۔تاہم اب گلوکار علی سیٹھی نے شادی کی افواہوں پر خاموشی توڑ دی ہے۔
انہوں اپنے انسٹاگرام اکاؤنٹ پر سٹوری شئیر کرتے ہوئے لکھا کہ ’ میں شادی شدہ نہیں ہوں، مجھے نہیں معلوم یہ افواہ کس نے پھیلائی ہے۔علی سیٹھی نے سٹوری میں اپنے نئے گانے کا لنگ شئیر کرتے ہوئے کہا کہ انہیں میری نئی ریلیز کی تشہیر میں مدد کرنی چاہئیے۔
خیال رہے کہ علی سیٹھی اور شائے گل کا گانا ’پسوڑی‘ دنیا بھر میں مقبول ہوا تھا۔ علی سیٹھی اور شائے گل کے مقبول ترین گانے ’پسوڑی‘ نے ایک اور اعزاز حاصل کر لیا۔گانا کوک اسٹوڈیو کی سیزن 14 کی جانب سے پچھلے برس ریلیز کیا گیا تھا جس کو سوشل میڈیا پلیٹ فارمز پر بے حد پذیرائی ملی اور دیکھتے ہی دیکھتے یہ گانا عالمی ٹرینڈ بن گیا۔ پسوڑی کو ویڈیو اسٹریمنگ سروس یوٹیوب پر ریلیز کے 11 ماہ کے دوران اب تک 500 ملین سے زائد مرتبہ دیکھا جا چکا ہے۔
دنیا بھر میں شہرت حاصل کرنے والے گانے ’’پسوڑی‘‘کے بول علی سیٹھی اور فضل عباس نے لکھے اور کمپوزیشن زلفی کی ہے جبکہ موسیقی زلفی اور عبداللہ صدیقی نے ترتیب دی ہے۔واضح رہے کہ اس سے قبل ’پسوڑی‘ نے کورین پاپ بینڈ بی ٹی ایس کے مشہور گانے ’بٹر‘ کو پیچھے چھوڑ تے ہوئے گوگل پر سب سے زیادہ سرچ کیا جانیوالا گانا ہونے کا اعزاز حاصل کیا تھا۔
