اسلام آباد: سپریم کورٹ پرنسپل سیٹ اسلام آباد کے لیے آئندہ ہفتے کا ججز روسٹر جاری کردیا گیا ہے۔
اس ضمن میں بتایا ہے کہ جاری کردہ اعلامیے کے تحت بنچ ایک میں چیف جسٹس عمرعطا بندیال، جسٹس قاضی فائزعیسی اورجسٹس منصورعلی شاہ شامل ہیں۔
سپریم کورٹ آف پاکستان کے جج جسٹس قاضی فائز عیسی کو پہلی مرتبہ بنچ ایک میں شامل کیا گیا ہے۔
عدالت عظمیٰ کے دوسرے بنچ میں جسٹس اعجاز الاحسن اور جسٹس مظاہر علی اکبر نقوی شامل ہیں جب کہ تیسرا بنچ جسٹس جمال خان مندوخیل اور جسٹس عائشہ اے ملک پر مشتمل ہو گا۔
