ضبط کی جانے والی نشہ آور گولیوں کی تعداد 47 ملین ہے
ریاض: سعودی عرب میں منشیات سمگل کرنے کی سب سے بڑی کوشش ناکام ہونے کے نتیجے میں دو پاکستانی سمیت 8 غیر ملکی گرفتار کر لیے گئے۔
سعودی انسداد منشیات کے مطابق ملزمان ایک بڑے ٹرک میں آٹے کی بوریوں میں نشہ آور گولیوں کو چھپا کر سمگل کر رہے تھے، ضبط کی جانے والی نشہ آور گولیوں کی تعداد 47 ملین ہے۔
انہوں نے بتایا کہ سمگلنگ کرنے والے 8 غیر ملکیوں کو گرفتار کیا گیا ہے جن میں دو پاکستانی اور 6 شامی شہری شامل ہیں، ملزمان کے خلاف رپورٹ درج کرکے پراسیکیوشن کے حوالے کر دیا گیا ہے۔
نارکوٹکس کنٹرول کے ترجمان کا کہنا ہے کہ اتنی بڑی تعداد میں منشیات سمگل کرنے کا ملک میں یہ اپنی نوعیت کاپہلا کیس ہے۔
