عرب لیگ نے اجلاس کے اعلامیہ میں تنازعات کے حل کے لیے اتحاد پر زور دیتے ہوئے کہا کہ مشرقی یروشلم سمیت تمام علاقوں پرفلسطین کا اختیار چاہتے ہیں۔
جدہ میں ہونے والےعرب لیگ نے اپنے 32 ویں سربراہی اجلاس کے اختتام کا اعلامیہ جاری کردیا جس میں تنازعات کے حل کے لیے اتحاد پر زور دیا گیا ہے۔
#ArabLeagueSummit leaders group photo pic.twitter.com/SVUoKOCN2y
— Saudi Gazette (@Saudi_Gazette) May 19, 2023
اعلامیہ میں کہا گیا ہے کہ سربراہی اجلاس میں فلسطین اسرائیل تنازعہ، سوڈان، یمن، لیبیا اور لبنان میں پیش رفت سمیت مختلف موضوعات پر تبادلہ خیال کیا گیا۔ مسئلہ فلسطین عربوں کا کلیدی مسئلہ تھا اور رہے گا، انسانی حقوق کی خلاف ورزیوں کی مذمت کی گئی۔
اعلامیہ میں کہا گیا کہ مشرقی یروشلم سمیت 1966میں قبضے میں لیے گئے تمام علاقوں پر فلسطین کا مکمل اختیار چاہتے ہیں، بین الاقوامی قرار دادوں کے مطابق دو ریاستی حل کے ذریعے امن و امان قائم کیا جائے۔
#VIDEO: New footages of the first meeting between Crown Prince Mohammed bin Salman and #Syrian President Bashar Al-Assad in #Jeddah. pic.twitter.com/3QwNeo32UI
— Saudi Gazette (@Saudi_Gazette) May 19, 2023
مزید کہا کہ سوڈان بحران کے حل کے لیے اتحاد و اتفاق اور مکالمے کا راستہ اختیار کیا جائے، سوڈان کے معاملے میں ہر طرح کی بیرونی مداخلت کو روکنا ہوگا۔
اجلاس کے اعلامیے میں کہا کہ عرب لیگ میں شام کی رکنیت کی بحالی کا خیرمقدم کیا گیا جس سے اس سے خطے میں استحکام آئے گا، یمن میں امن و استحکام کے ضامن ہر اقدام کی حمایت کی جائے گی۔
مزید کہا کہ عرب ممالک کے اندرونی امور میں بیرونی مداخلت قبول نہیں کی جائے گی، مسلح ملیشیاؤں اور تنظیموں کی تشکیل کی بیرونی حمایت کو مسترد کرتے ہیں۔
