ہفتے کے آخری کاروباری روز سونے کے نرخوں میں 1800 روپے کی کمی ہوئی ہے۔
آل پاکستان جیمز اینڈ جیولرز ایسوسی ایشن کے مطابق 1800 روپے کمی کے بعد فی تولہ سونا 2 لاکھ 5 ہزار 700 روپے پر آگیا ہے۔
ایسوسی ایشن کے مطابق 10 گرام سونے کی قدر 1543 روپے کمی سے ایک لاکھ 76 ہزار 355 روپے ہوگئی۔
اس کے علاوہ عالمی صرافہ میں فی اونس سونا 19 ڈالر کمی کے بعد ایک ہزار 978 ڈالر کا ہوگیا ہے۔
خیال رہے کہ گزشتہ روز عالمی مارکیٹ میں سونے کی فی اونس قیمت میں 58 ڈالر اور پاکستان میں فی تولہ سونے کی قیمت 5 ہزار 600 روپے کا بڑا اضافہ ہوا تھا۔
