لاہور پاکستان کرکٹ بورڈ (پی سی بی) نے پی ایس ایل 8 فائنل کی تاریخ تبدیل کردی ہے۔
ْٓپاکستان سُپر لیگ 8 کا فائنل 19 مارچ بروز اتوار کے بجائے 18 مارچ بروز ہفتہ کو کھیلا جائے گا۔
اس ضمن میں سربراہ بی سی بی مینجمنٹ کمیٹی نجم سیٹھی نے ایک بیان میں کہا کہ لاہور میں خراب موسم کے باعث فائنل میچ کا دن تبدیل کرنے کا فیصلہ کیا ہے۔
نجم سیٹھی کا کہنا ہے کہ فرنچائز سے مشاورت کے بعد فائنل کا دن تبدیل کیا، میچ کے لئے اتوار اور پیر کو بطور ریزرو ڈے رکھا گیا ہے۔
Rain looms over the HBL PSL 8 Final. @TheRealPCB and Franchises are anxious that the Final should not be disrupted. Therefore, we have decided to reschedule the HBL PSL Final from 19 Mar '23 to Saturday, 18 Mar '23. Tickets already purchased for the Final will remain valid.
— Najam Sethi (@najamsethi) March 16, 2023
واضح رہے کہ پی ایس ایل 8 کا فائنل لاہور کے قذافی اسٹیڈیم میں اتوار کو شیڈول تھا۔
یاد رہے کہ ملتان سلطانز گزشتہ روز لاہور قلندرز کو شکست دیکر ایونٹ کے فائنل میں پہنچ چکی ہے جب کہ اسلام آباد اور پشاور میں سے الیمنیٹر1 کی فاتح ٹیم فائنل میں رسائی حاصل کرنے کے لئے الیمنیٹر 2 میں لاہور قلندرز سے ٹکرائے گی۔
