اسلام آباد: وفاقی وزیر خزانہ سینیٹر اسحاق ڈار نے کہا ہے کہ ضمنی مالیاتی بل کا قدم مجبوراً اٹھانا پڑا، فضائی ٹکٹوں پر فکس ٹیکس عائد کرنے کی تجویز زیرغور ہے۔
انہوں نے قومی اسمبلی اجلاس سے خطاب کرتے ہوئے کہا کہ اراکین پارلیمنٹ نے ضمنی مالیاتی بل پر تجاویز دیں، بل پر اراکین کے خیالات اور تجاویز سنیں، اگر اس بجٹ میں نہیں تو آنے والے بجٹ میں تجاویز پر عمل کریں گے۔
اسحاق ڈار نے کہا ٹیکسز پر اراکین کی طرف سے تنقید کی گئی، ٹیکسز کبھی خوشی سے نہیں لگائے جاتے، ضمنی مالیاتی بل کے حوالے سے تجاویز کا خیرمقدم کرتے ہیں۔
ن لیگ کے مرکزی رہنما اور وزیر خزانہ اسحاق ڈار نے کہا کہ بجلی چوری، لائن لاسز اور بلز کی عدم ادائیگی سے خسارے کا سامنا ہے، بی آئی ایس پی کا حجم 360 ارب سے بڑھا کر400 ارب روپے کردیا ہے۔
قومی اسمبلی اجلاس سے خطاب کرتے ہوئے سینیٹر اسحاق ڈار نے کہا گزشتہ حکومت نے آئی ایم ایف معاہدے سے روگردانی کرکے معاشی مشکلات پیدا کیں، گزشتہ حکومت کی غلطیوں کی وجہ سےملکی معیشت24سے 47ویں نمبر پر پہنچی۔
