بی جے پی کی مسلمان دشمن پالیسیوں کو اکثرتنقید کا نشانہ بنانے والی بالی وُوڈ داکارہ سوارا بھاسکر بھارتی سیاسی جماعت سماج وادی پارٹی کےرُکن فہد ضراراحمد کے ساتھ شادی کے بندھن میں بندھ گئیں۔
سوشل میڈیا پر شادی کی تصدیق کرنے والی 34 سالہ سواراکا کہنا ہے کہ، ’کبھی کبھار ہم کسی چیزکو دُورڈھونڈتے ہیں لیکن وہ بالکل نزدیک ہوتی ہے۔ ہم پیار ڈھونڈ رہے تھے لیکن دوستی پہلے مل گئی اورپھرہم نے ایک دوسرے کو ڈھونڈ لیا‘۔
اداکارہ نے نصف بہترکیلئے اپنے جذبات کااظہار کرتے ہوئے مزید لکھا کہ ، ’میرے دل میں خوش آمدید فہد ضراراحمد، یہاں تھوڑی افراتفری ہے لیکن یہ تمہاراہے‘۔اس ویڈیو میں جوڑے کو کورٹ میرج کرتے دیکھا جا سکتا ہے’۔
I never knew chaos can be so beautiful ❤️
Thank you for holding my hand love @ReallySwara 😘😘 https://t.co/ivKVsZrMyx
— Fahad Ahmad (@FahadZirarAhmad) February 16, 2023
اس جوڑی نے شادی کی تصاویر بھی شیئرکیں جن میں اداکارہ نے اہم دن پروالدہ کی 40 سال پُرانی ساڑھی اورزیورات زیب تن کیے۔
سوارا کا کہنا ہے کہ انہیں بالی ووڈ کا شاہانہ شادی کلچرپسند ہے، سے متاثر ہیں، اپنا کالم شیئرکرتے ہوئے اداکارہ نے واضح کیا کہ وہ شادی کی تقریبات بھرپور طریقے سے منائیں گی ۔
اداکارہ نے اپنے ملک کے اسپیشل میرج ایکٹ کو سراہتے ہوئے کہا کہ شکر ہے ایسا قانون موجود ہے جومحبت کرنے والوں کو اپنی پسند کے ساتھی کے انتخاب کا موقع فراہم کرتاہے۔
Three cheers for the #SpecialMarriageAct (despite notice period etc.) At least it exists & gives love a chance… The right to love, the right to choose your life partner, the right to marry, the right to agency these should not be a privilege.@FahadZirarAhmad
✨✨✨♥️♥️♥️ pic.twitter.com/4wORvgSKDR— Swara Bhasker (@ReallySwara) February 17, 2023
سوارا کے علاوہ فہد ضراراحمد نے بھی اپنی شادی پر بھنگڑے کی تصویر شیئرکی۔ دلہا میاں کا کہنا ہے کہ سوارا کوکورٹ میں بھنگڑا ڈالنے سے روکنے میں ناکام ہوا تو میں نے بھی اسکا ساتھ دیتے ہوئے یہی کرنا شروع کردیا، اورمجھے احساس ہوا کہ یہہی خوشگوارشادی کا رازہے۔
سوارا کے شوہر فہد ضراراحمد سوشلزم نظریات کی حامل بھارت کی سماج وادی پارٹی کے نوجوان رہنما ہونے کے ساتھ ساتھ ریاست مہاراشٹرمیں پارٹی صدر بھی ہیں۔ دونوں کی ملاقات 2020 میں ایک سیاسی ریلی کے دوران ہوئی تھی۔
