پاکستان ریلویز نے مسافر ٹرینوں کے کرایوں میں 8 فیصد تک اضافے کا اصولی فیصلہ کر لیا ہے۔
مسافروں نے پاکستان ریلویز کی جانب سے ریل کے کرایوں میں اضافے کے فیصلے پر سخت رد عمل کا اظہار کیا۔
مسافروں کی جانب سے کرائے بڑھانے کے فیصلے کو مسترد کرتے ہوئے کہا کہ اس مہنگائی کے عالم میں ٹرین کے کرائے بڑھانا عوام کو واحد سستی سواری سے محروم کرنے کے مترادف ہے۔
ان کا کہنا ہے کہ پہلے نجی ٹرانسپورٹرز نے کرائے بڑھائے اب ریلوے انتظامیہ بھی انہی کے نقش قدم پر چل پڑی، حکمران اپنے اخراجات کم کر لیں تو کرائے بڑھانے کی ضرورت ہی پیش نہیں آئے گی۔
