کراچی: ملک میں آٹے کی قلت دور کرنے کے لیے حکومت کی جانب سے گندم درآمد کی جارہی ہے۔
روس سے حکومتی سطح پر منگوائی جانے والی گندم کی پہلی کھیپ کراچی پہنچ گئی ہے۔ وزارت فوڈ سکیورٹی حکام کے مطابق روس سے گندم کے دو جہاز پہنچے ہیں۔ روس سے مزید ساڑھے 4 لاکھ ٹن گندم بذریعہ گوادر پاکستان پہنچے گی۔
حکومتی سطح پر مجموعی طور پرساڑھے 7 لاکھ ٹن گندم درآمد کی جا رہی ہے، 30 مارچ تک روس سے حکومتی سطح پر مزید ساڑھے 4 لاکھ ٹن گندم بذریعہ گوادر پاکستان پہنچے گی۔
اب تک مختلف ممالک سے درآمدی گندم لیکر ساڑھے تین لاکھ ٹن گندم کراچی پورٹ آچکی ہے۔
