قومی کرکٹ ٹیم کے سابق کپتان شاہد آفریدی اور ثناء میر کو پاکستان کرکٹ بورڈ (پی سی بی) میں اہم عہدہ مل گیا ہے۔
وزیراعظم شہباز شریف نے پی سی بی کے معاملات چلانے کے لئے مینیجمنٹ کمیٹی تشکیل دینے کا فیصلہ کیا ہے، 14 رکنی مینیجمنٹ کمیٹی نجم سیٹھی کی سربراہی میں 120 دن تک کام کرے گی۔
14 رکنی کمیٹی میں شاہد آفریدی، ثناء میر کے علاوہ شفقت رانا، شکیل شیخ، ہارون رشید اور گل زادہ شامل ہیں۔
گل محمد، نعمان بٹ اور چوہدی عارف سعید پی سی بی مینجمنٹ کمیٹی کا حصہ ہوں گے جب کہ 2014کے آٸین کی بحالی سے متعلق درپیش مساٸل کمیٹی کے سپرد کردیئے گئے ہیں۔
وفاقی کابینہ کی منظوری سے کرکٹ بورڈ کی مینجمنٹ کمیٹی کی تشکیل کا نوٹیفکیشن جاری کیا جاے گا۔
