انسداد دہشتگردی عدالت نے کراچی کے علاقے ڈیفنس میں شاہین فورس کے اہلکار کے قتل میں ملوث دونوں ملزمان کوعدالتی ریمانڈ پر جیل بھیج دیا۔
کلفٹن پولیس نے سہولت کاری کے الزام میں گرفتار دو ملزمان کو انسداد دہشتگردی عدالت میں پیش کیا، ملزمان میں مفرور ملزم خرم نثار کا برادر نسبتی اور ڈرایئور شامل ہیں۔
تفتیشی افسرکا کہنا تھا کہ ملزمان سے ابتدائی تفتیش مکمل ہوگئی، عدالت نے دونوں ملزمان کو عدالتی ریمانڈ پر جیل بھیجتے ہوئے منتظم عدالت نے مقدمہ سینٹرل جیل میں قائم عدالت منتقل کردیا۔
عدالت نے تفتیشی افسر کو سینٹرل جیل میں قائم عدالت رجوع کرنے کا حکم دیا۔
وکیل ملزم نے کہا کہ ملزم عامر اور اورنگزیب کی ضمانت کے لئے درخواست دائر کی گئی جس میں کہاگیا ہے کہ ملزمان کا مرکزی ملزم کے فرار میں کوئی کردار نہیں ہے۔
وکیل نے مزید کہا کہ پولیس نے بغیر کسی ٹھوس ثبوت کے ملزمان کو سہولت کاری کے الزام میں گرفتار کیا۔
