پاکستان میں تعینات ”پنڈی بوائے“ برطانوی ہائی کمشنر کرسچن ٹرنر کو ترقی دے کر برطانوی وزارت خارجہ میں انڈر سیکریٹری تعینات کردیا گیا ہے۔
کرسچن ٹرنر کی تعیناتی کا فیصلہ برطانوی وزارت خارجہ کی جانب سے کیا گیا ہے، کرسچن ٹرنر اگلے سال اپنا عہدہ سنبھالیں گے۔
چند دن قبل برطانوی ہائی کمشنر کرسچن ٹرنر رکشے میں بیٹھ کر انگلینڈ اور پاکستان کا پہلا ٹیسٹ میچ دیکھنے پہنچے تھے۔
ٹرنر نے اسٹیڈیم روانگی سے قبل اردو میں پیغام دیتے ہوئے کہا کہ ٹیسٹ سیریز کے لیے بھی جوش و جذبہ ہے۔
انہوں نے جنون بینڈ کے گانے کا مصرع ”ہے جذبہ جنون تو ہمت نہ ہار“ بھی دہرایا۔
برطانوی ہائی کمشنر نے رکشہ ڈرائیور کو پوٹھوہاری زبان میں مخاطب کرتے ہوئے کہا کہ ”راجا جی پنڈی جلساں تے میچ تکساں“۔
