عارف والا میں میچ کے دوران قومی کرکٹر حسن علی کیساتھ مقامی لوگوں نے بدتمیزی کی جس کے بعد اسٹیڈیم میں جھگڑا ہو گیا۔
قومی کرکٹر حسن علی نے پی پی ایل میں حصہ لیا جس کے لیے وہ عارف والا میچ کھیلنے گئے۔ میچ کے دوران فیلڈنگ کرتے ہوئے کراوڈ کی جانب سے ان کے ساتھ بدتمیزی کی گئی اور جملے کسے گئے۔
کراوڈ کی جانب سے انہیں ٹی ٹوئنٹی ورلڈ کپ 2021 کے سیمی فائنل میں آسٹریلیا کے بیٹسمین کے کیچ چھوڑنے کا طعنہ بھی دیا گیا۔
— Muhammad Noman (@nomanedits) December 3, 2022
سوشل میڈیا پر وائرل ہونے والی ویڈیو میں سنا جا سکتا ہےحسن علی کے باونڈری کے قریب آنے پر کچھ شائقین کی جانب سے آوازیں کسی گئیں اور کہا گیا کہ تم اسکواڈ میں شامل نہیں ہو، اس کے علاوہ ان سے سوال بھی کیا جاتا ہے کہ سیمی فائنل میں کیچ کیوں چھوڑا؟
کراوڈ کی جانب سے ہونے والی بدتمیزی پرحسن علی بھی سیخ پا ہو گئے جس کے بعد اسٹیڈیم میں جھگڑا ہوا۔ ایک اور ویڈیو کلپ میں دیکھا جا سکتا ہے کہ جھگڑا بڑھنے پر اسٹیڈیم میں ہجوم جما ہے اور حسن علی بدتمیزی کرنے والے شخص کو مارنے کے لیے لپکتے ہیں ۔
عارف والا میں پاکستانی ٹیم کے باؤلر حسن علی سے بد تمیزی#PAKvsEng #Hassanali #PakistanZindabad pic.twitter.com/9aSHO3ADMs
— 𝗦𝗮𝗷𝗮𝘄𝗮𝗹 𝗡𝗶𝗮𝗭𝗶 2.0💙 (@S9NiaZi) December 3, 2022
تاہم مینجمنٹ نےشائقین کے نامناسب سلوک پر ان کی خوب سرزنش کی اور ساتھی کھلاڑیوں نے حسن علی اور شائقین کے درمیان بیچ بچاو کروایا۔
سوشل میڈیا پر جھگڑے کی ویڈیوز وائرل ہونے پر سوشل میڈیا صارفین نے بھی حسن علی کیساتھ ہونے والے نامناسب واقعے کی مذمت کی ہے۔ صارفین کا کہنا ہے کہ ہمیں اپنے کھلاڑیوں کو عزت دینے چاہیے۔
